ശ്യാമവര്ഷങ്ങള്
കൈപ്പുഴ ജയകുമാര്
നോവല് 30
സൗമ്യയുടെ തീതുപ്പുന്ന വാക്കുകള് കേട്ട് ഡ്രൈവര് സുകു പൊള്ളിപ്പിടഞ്ഞുപോയി. പരിസരബോധം വീണു കിട്ടാന് ഇത്തിരി സമയമെടുത്തു. കുഴഞ്ഞ നാവിനെ വരുതിക്ക് കൊണ്ടുവന്ന് വായ തുറക്കാന് ശ്രമിക്കുന്നതിനു മുന്പേ സൗമ്യ കളം കൈയടക്കി.
'കുറുക്കുവഴിയിലൂടെ ഒരുപക്ഷേ പെണ്ണിന്ഞറെ ശരീരത്തെ വരുതിയിലാക്കാന് കഴിയുമായിരിക്കും. പക്ഷേ, അവളുടെ മനസ്, അതിന്റെ പൂട്ടു തുറക്കണമെങ്കില് അവള് സ്വയം തീരുമാനിക്കണം. അല്ലാതെ മാന്ത്രിക താക്കോലിട്ടാലും തുറക്കാന് പറ്റത്തില്ല.... പിന്നെ, ഓരോരുത്തര്ക്കും ഓരോന്ന് പറഞ്ഞിട്ടുണ്ട്... അതുകൊണ്ട് തൃപ്തിപ്പെടുന്നതാണ ്ബുദ്ധി... വെറുതേ എന്തിനാ കല്ലേല് കടിച്ച് പല്ല് കളയുന്നത്....'
സൗമ്യ നല്ല ഫോമിലായി.
നനഞ്ഞ പക്ഷിയെപ്പോലെ ചിറകു ചേര്ത്തുവച്ച് ഡോറിന്റെ മറവില് നില്ക്കുകയാണ് ശ്യാമള. തള്ളാനും കൊള്ളാനും വയ്യാത്ത അവസ്ഥ. സുകു ഒരിക്കലും തന്നെ ഭാര്യയായി സ്വീകരിക്കില്ലെന്ന് ഉറപ്പാണ്. പക്ഷേ, സൗമ്യ തന്റെ ബന്ധുക്കളെ വിളിച്ച് കഥകള് പറഞ്ഞ സ്ഥിതിക്ക് സുകുവിന്റെ കൂടെ പോയില്ലെങ്കില് അതും പ്രശ്നമാകും....
ഏത് നേരത്താണോ ഇങ്ങനെയൊരു കുരുട്ടുബുദ്ധി തോന്നിപ്പിച്ചത്...!
നനഞ്ഞിറങ്ങി, കുളിച്ചു കയറുക, ഒടുവില് രണ്ടും കല്പ്പിച്ച് ശ്യാമള അങ്ങനെയൊരു തീരുമാനത്തിലെത്തി.
'സുകു നല്ല ഡ്രൈവറാ... ഏത് തിരക്കിലൂടെയും തട്ടാതെയും മുട്ടാതെയും കാര് ഓടിക്കാന് കഴിയുന്ന ഡ്രൈവര്... കാഴ്ചയ്ക്കും ആരും കുറ്റം പറയില്ല... വീട്ടിലെ സാഹചര്യങ്ങളും മോശമല്ല... എന്നാല്, ഇതൊന്നും സൗമ്യയുടെ ഭര്ത്താവാകാനുള്ള യോഗ്യതയല്ല....'
സൗമ്യയുടെ ശബ്ദം കനത്തു.
'സൗമ്
